Prindërit e Françeskës: Jemi ‘ pro’ seksit në “Big Brother”

Bukuroshja vlonjate me emrin Françeska ka tërhequr vë mendjen e publikut shqiptar, jo vetëm për pamjen e saj, por edhe për karakterin e veçantë që ka. Ajo është më e vogla e shtëpisë së “Big Brother”, por ka ngjallur diskutimet më të mëdha. Është përfolur shumë në media dhe çdo ditë emri i saj përmendet kudo. Ajo që e dallon më së shumti Françeskën nga vajzat e tjera është lirshmëria me të cilën ajo flet, vepron dhe jeton. Në Shqipëri është vështirë të shohësh vajza kaq të lirshme dhe të hapura duke qenë se mentaliteti me të cilin ato rriten në familje, nuk ua jep gjithmonë këtë liri. Por Françeska është ndryshe nga vajzat e tjera, sepse familja i ka falur liri dhe mbështetje të plotë.

Prindërit e Françeskës përveçse dashamirës u treguan tejet të gatshëm t’i përgjigjeshin të gjitha pyetjeve tona pa u vënë aspak në siklet. Ne kuptuam që ata janë prindër të përkushtuar dhe për ta ajo që ka vërtet rëndësi është lumturia, realizimi dhe suksesi i vajzës së tyre.

Intervista Mamaja e Franceskes, Brixhilda Jace

Ju që e njihni Françeskën, mendoni se ajo po luan?

Ajo po luan aty ku duhet, por Françeska është kështu siç e keni parë aty, edhe në jetën e përditshme.

Besojmë e keni parë edhe që është puthur me Ermalin. Ç’mendim keni?

Mua më pëlqejnë ata të dy. Duken mjaft mirë me njëritjetrin. Ermali është goxha djalë. Ashtu si bashkëshorti im, edhe unë bashkë me dy vajzat e tjera e mbështesim plotësisht Françeskën. Për ne është e rëndësishme që ajo të jetë mirë, të ecë përpara e të realizojë të gjitha synimet e saj.

Përflitet që ata të dy kanë pasur marrëdhënie intime. Ju si u është dukur?

Siç e thashë dhe më lart unë i kam ndjekur gjithë kohën dhe i kam parë të gjitha momentet e tyre. Nuk i besoj fjalëve dhe nuk mendoj se midis të dyve ka pasur diçka më shumë përveç puthjes.

Po nëse kjo do të ndodhte për ju do ishte problem?

Për aq kohë sa nuk është problem për vajzën time, as për mua nuk përbën problem. Ata aty janë si në një burg dhe me kalimin e ditëve gjithçka mund të ndodhë, siç ka ndodhur edhe në edicionet e kaluara. Unë kam besim se vajza ime do të bëjë atë që është më e mira për veten e saj, dhe unë si prind kam për detyrë ta mbështes deri në fund.

Intervista e Babait te Franceskes, Dhimitraq Jace

Si ju duket marrëdhënia e Françeskës me Ermalin? 

Nëse vajza ndihet mirë për mua s’ka asnjë problem. Edhe ai më duket djalë i mirë.  Po diskutohet shumë së fundmi për puthjet e të dyve. Madje flitet se midis tyre ka pasur edhe marrëdhënie intime.

Ju ç’mendim keni?

Unë di që vetëm janë puthur. Për pjesën tjetër nuk di asgjë të sigurtë. Njerëzit mund të thonë shumë gjëra, po unë përderisa e shoh vetë vajzën time, nuk i marr shumë për bazë fjalët e njerëzve. Nuk besoj se atyre i kanë futur ‘ microcheap’ nën jorgan, që ta dinë të sigurtë a kanë bërë diçka më shumë apo jo.

Nëse do të ndodhte, nëse vërtetë midis të dyve do të ketë një marrëdhënie intime, për ju do ishte problem? 

Jo. Nuk kam pse ta kem problem. Mua më intereson që vajza ime të ndihet mirë dhe të bëjë atë që do. Unë jam pak “evropian” për sa i përket këtyre gjërave. Më mjafton që Françeska të ecë përpara, të realizojë ëndrrat e saj e të bëjë atë që ndjen.

A ju shqetësojnë fjalët e njerëzve? 

S’kanë pse të më shqetësojnë, sepse nuk i marr fare për bazë. Njerëzit mund të thonë çfarë të duan, por deri tani mund të them me bindje se të paktën këtu në Vlorë të gjithë kanë respekt.

Intervista e plote  KLIKO KETU