Duhet të jetë ndjerë vërtet i acaruar kur ka lexuar një intervistë të cilën nuk e kishte dhënë vetë ai. Ky incident i çuditshëm i ka ndodhur producentit Flor Mumajesi, të cilit i ka rënë në dorë një intervistë në mediat kosovare. Producenti i njohur nuk ka kontaktuar asnjëherë me gazetarët e kësaj gazete e aq më pak të japë një intervistë për ta.
Mesa duket i gjithë keqkuptimi ka ndodhur me gazetarin dhe një fans të Flor Mumajesit, i cili ka hapur një profil fallco për producentin. Gazetari nga Kosova, duke mos pasur një pikë tjetër kontakti me producentin e ka kontaktuar nëpërmjet Facebook- ut, por jo atij të vërtetit, por të profilit fallco. Kështu, në vend të intervistonte Florin, gazetari ka intervistuar fansin e tij, i cili është përgjigjur në vend të artistit.
Intervista ka përfunduar në portalin online të gazetës e më pas edhe në vëmendjen e Florit, i cili është çuditur jashtë mase kur ka lexuar përgjigjet që nuk i kishte dhënë kurrë ndonjëherë në jetën e tij. Ndërkaq, për sa i përket projekteve muzikore të reja të producentit, më i fundit është një këngë në bashkëpunim me reperin nga Kosova, Capital T. Bluetooth
Nuk është i pari që i ndodh kjo.Kam kontaktuar me mbi 30 personalitete shqiptare ne facebook ku përgjigjeshin persona që as nuk i njihnin këta njerëz.Andaj arsyetoj rastet kur disa VIP-a marrin masa radikale në facebook,apo nuk e përdorin fare. Rrjet social shumë i dhunuar nga ne.
Kjo dukuri ka te beje me pervetesim personaliteti te dikujt tjeter dhe denohet me ligj. Keto jane dhunime te privatesise dhe nuk duhen anashkaluar.